Nýjum Audi A4 fagnað

Nýr Audi A4 var frumsýndur í sýningarsal Audi hjá Heklu fyrsta laugardag í sumri og hlaut hlýjar móttökur sýningargesta.

„Audi A4 hefur átt mikilli velgengni að fagna síðan hann kom fyrst á markað árið 1994 og á sér dyggan aðdáendahóp. Ný kynslóð A4 gefur þeim eldri ekkert eftir, hún er mikið uppfærð og státar af glæsilegri hönnun. Vélarnar eru sparneytnari en samt kraftmeiri þar sem eldsneytisnotkun hefur verið minnkuð um 21% á meðan aflið hefur aukist um 25%.

Nýr A4 er líka sneisafullur af tækninýjungum. Virtual mælaborð Audi, sem er í boði sem valbúnaður, er með 12,3 tommu háskerpu LCD skjá og Bang & Olufsen hljómkerfi með þrívíðu hljóði. Í nýjum A4 er öryggið sett á oddinn og öryggiskerfið „pre sense city“ er staðalbúnaður,“ segir í tilkynningu um sýninguna.

Þar segir að fjölmargir sýningargesta hafi skellt sér í reynsluakstur.  Hér má fræðast meira um Audi A4.