Bílabúð Benna heimsækir Vestmannaeyjar um helgina með bílaflota og slær upp sýningu við Nethamra.
Til sýnis verða Opel, Chevrolet og SsangYong bílar. Frá Opel ber hæst frumsýning í Eyjum á nýkjörnum Bíl ársins, Opel Astra. Aðrar gerðir frá Opel eru flaggskipið Insignia, sportjeppinn Mokka og Corsa.
Frá Chevrolet verður flaggað Cruze og metsölubílnum Spark. Þá verða líka með í ferð jepparnir Korando og Rexton frá SsangYong.
Bílasýningin verður haldin við bíla- og vélaverkstæðið Nethamar, laugardaginn 30. apríl, frá klukkan 11 til 16 og sunnudaginn 1. maí, frá 11 til 14. Heitt verður á könnunni og bakkelsi á borðum.