Brimborg frumsýnir úrvalið frá Peugeot

Bílaumboðið Brimborg hefur tekið við umboðinu hér á landi fyrir frönsku bílana frá Peugeot. Í því tilefni efndi Brimborg til Peugeot-bílasýningar um nýliðna helgi.

Í tilkynningu vegna sýningarinnar kemur fram að Brimborg hafi náð að lækka varahlutaverð með hagstæðum innkaupum beint frá framleiðanda. Brimborg bjóði enn fremur upp á verkstæðisþjónustu og ábyrgðarviðgerðir fyrir alla Peugeot-bíla, hvort sem þeir eru fluttir inn af Brimborg eða öðrum.

Eins og sjá má á meðfylgjandi myndum lögðu margir leið sína í umboðið til að virða Peugeot fyrir sér í nýju umhverfi. Að sögn Gísla Jóns Bjarnasonar, sölustjóra nýrra bíla hjá Brimborg, fer salan á Peugeot vel af stað og hefur hann miklar væntingar til merkisins á næstu mánuðum og misserum.

jonagnar@mbl.is