Bílasýningin alþjóðlega og stóra Í París opnaði dyr sínar fyrir blaðamönnum í morgun og njóta þeir réttanna fyrstu tvo dagana, en á laugardag opnar hún síðan fyrir almenning.
Eins og nærri má geta láta franskir bílaframleiðendur mikið að sér kveða á sýningunni á heimavelli, en hún er sú stærsta sem fram fer í heiminum í ár.
Þannig kynnti Renault nokkra nýja bíla sem væntanlegir eru á markað í byrjun nýárs. Meðal gripa á bás Renault var einnig að finna óvenjulega hugmynd að nýjum sportrafbíl sem gengur undir heitinu Renault Trezor.
Sömuleiðis var kynnt ný útgáfa af rafbílnum Renault Zoe sem kominn er með 40 kw rafhlöðu sem fleytir honum 400 km á hleðslu. Þessi bíll verður kynntur hjá BL í mars næstkomandi.
Hinn nýja Renault Megane Sport Tourer var líka að finna á bás Renault en hann verður kynntur í nóvember hjá BL.
Sjö sæta Renault Grand Scenic verður einnig kynntur í nóvember hjá BL. Loks trónir nýr Koleos á bás Renaulten hann er náfrændi Nissan X-Trail, verður kynntur hjá BL næsta vor, í maí 2017.