Fjöldi Toyota-eigenda kom á þjónustudag Toyota sem haldinn var sl. laugardag í 13. sinn. Þjónustuaðilar Toyota víða um land tóku á móti gestum, bíllinn var þveginn og boðið var upp á grillaðar pylsur, ís og sumarglaðning fyrir smáfólkið.
Alls voru tæplega 2.000 bílar þvegnir þennan dag og 4.500 pylsur voru grillaðar ofan í gestina. Ýmis skemmtiatriði voru í boði fyrir gestina og má þar nefna að Úlfur Úlfur skemmti gestum í Kauptúni ásamt Gretu Salóme og bræðrunum söngelsku, þeim Friðriki Dór og Jóni Jónssyni. Páll Óskar steig einnig á svið og fékk að því loknu nýjan Toyota Auris Hybrid afhentan að afhjúpun lokinni.
Að þessu sinni er „Pallabíllinn“ metalblár að lit og mun örugglega taka sig vel út í sólinni í sumar.
Toyota Yaris þerraður að loknum þvotti, og glansandi hreinn fyrir bragðið.
Toyota-bílar af öllum gerðum voru teknir í þvott. Hér sjást Land Cruiser 120, Yaris og Avensis í röð.
Páll Óskar var umringdur aðdáendum og deildi glaður kastljósinu með stjörnu dagsins, hinum metalbláa Auris Hybrid.
Yngri sem eldri gestir þáðu hressingu á þjónustudeginum og vel á fimmta þúsund pylsur runnu ofan í viðstadda.
Toyota RAV4 fær hér rækilegan sápuþvott með svampi. Faglegra verður það vart.
Ís er ávallt vel þegin hressing og ungviðið hópaðist að ísbílnum.
Það stafar glimrandi glamúr af hinum nýja, metalbláa Auris Hybrid sem Páll Óskar rúllar á í sumar.
Úlfur Úlfur tóku lagið og röppuðu af krafti eins og þeirra er von og vísa.
Greta Salóme ásamt hinum tónelsku og ávallt geðþekku bræðrum úr Firðinum fagra, Friðrik Dór og Jón Jónsson.