Keppendur í gokart eru að varpa af sér vetrarböndum og halda sitt fyrsta mót vorsins og sumarsins næstkomandi laugardag, 20. maí.
Kappaksturinn fer fram á akstursíþróttasvæði Akstursíþróttafélagi Hafnarfjarðar (AÍH) við Krýsuvíkurveg og það er frítt inn.
Tímataka hefst klukkan 12 á hádegi og hálftíma síðar keppnin sjálf.
Mótið heldur Gokartdeild AÍH og er liður í Íslandmeistaramótaröð Akstursíþróttasambands Íslands (AKÍS).
„Gokart á Íslandi er í mikilli uppbygingu og reiknum við með hörkukeppni á laugardaginn,“ segir Arnar Már Pálmarsson, formaður AÍH, í tilkynningu.