Aðeins með bensínvél
Setja bókamerki
Honda kemur á markað í Evrópu á næsta ári með fimmtu kynslóðina af jeppanum CR-V. Bílsmiðurinn segir þennan bíl vera söluhæsta jeppann í heiminum en hann kom fyrst á götuna árið 1997.
Fyrsta kynslóðin var eingöngu með bensínvél og hið sama mun eiga við um fimmtu kynslóðin, hún verður ekki tiltæk með dísilvél. Velja má á milli tveggja bensínvéla. Annars vegar 1,6 lítra hverfilblásinnar vélar og hinsvegar tengiltvinnbíl með 2,0 lítra vél og rafmótor í aflrásinni. Kallar Honda tvinnkerfi sitt i-MMD, sem stendur fyrir «Intelligent Multi Mode Drive»
Honda sýnir tvinnbílinn á bílasýningunni sem nú stendur yfir í Frankfurt í Þýskalandi. Enn sem komið er bíður bílsmiðurinn með að greina frá afkastagetu tvinnbílsins og drægi rafmótorsins. Leyndardómum CR-V verður uppljóstrað á fyrri helmingi næsta árs.
Í vetnið líka
Honda er í hópi bílsmiða sem hafa trú á vetnisvélinni. Hóf fyrirtækið samstarf í fyrra við General Motors um sameiginlega þróun nýrra vetnisvéla með það í huga að hefja raðsmíði á vetnisknúnum bílum í síðasta lagið árið 2020.
Reyndar hófst Honda við um smíði vetnisbílsins Clarity Fuel Cell sem búinn er svonefndri þriðju kynslóðar vetnisvél. Nokkrir hafa verið seldir undir svonefndu Hyfive-verkefni í Danmörku, Bretlandi og Þýskalandi. Hrein rafbílsútgáfa af Clarity, þ.e. með rafgeymum og rafmótorum við öxlana, er aðeins 143 km.
