Smæðin er allt mætti segja að einkenndi bílaáhuga Dana um þessar mundir því söluhæsti fólksbíllinn í september þar í landi var af minni gerðinni, eða Citroen C1. Og það sem meira er, franskir bílar voru í þremur efstu sætum.
Citroen C1 fór í 589 eintökum, í öðru sæti var Peugeot 208 með 583 eintök og í því þriðja Citroen C3 með 521 eintak. Í næstu sætum voru Tesla Model 3 (437), VW Passat (392), Nissan Qashqai (376), VW Golf (359), Ford Focus (326), Toyota Yaris (315) og Ford Fiesta í tíunda sæti með 313 bíla.
Niðurstaðan þykir um margt koma á óvart og eftirtektarverður þykir árangur Tesla Model 3 sem annan mánuðinn í röð klifrar alla leið upp í fjórða sæti. Í fimmta sæti varð svo fyrirtækjabíllinn VW Passat. Árangur Citroen er meðal annars rakinn til auglýsingaherferðar.
Í september bættust 16.000 nýir bílar á götur Danmerkur, sem er um 4.000 meira en á sama tíma í fyrra. Fyrstu níu mánuðina höfðu verið seldir alls 173.600 bílar eða ögn meira 2018.