Boðaþing 1, 203 Kópavogur — Íbúð

TIL LEIGU ný, björt og falleg íbúð með ótrúlegu útsýni á efstu hæð. Íbúðin er þriggja herbergja á 5. hæð í nýju fjölbýlishúsi með lyftu við Boðaþing í Kópavogi þar sem stutt er í alla helstu þjónustu. Eigninni fygir stæði í bílageymslu, stór geymsla í kjallara, sameiginleg hjóla- og vagnageymsla.

Um er að ræða langtíma leigu og leiguverð er 400.000 kr. á mánuði. Eingöngu áreiðanlegir leigutakar með góð meðmæli koma til greina - ath. að þessi eign er einungis fyrir 55 ára og eldri.

Eignin skiptist í forstofu, stofu og borðstofu, eldhús, tvö svefnherbergi, tvö baðherbergi, fataherbergi og þvottahús. Tvennar mjög stórar svalir sem vísa í norður og suður. Eikar innréttingar og innihurðar frá Axis, vandað parket á gólfi. Allar innréttingar og gólfefni er nýtt.

Nánari lýsing:
Forstofa:
 Rúmgóð með miklu skápaplássi.
Eldhús: Spanhelluborð, gufugleypir með kolasíu, AEG blástursofn með gufu (SousVide), örbylgjuofn/blástursofn. Stálvaskur og einnar handar blöndunartæki, AEG uppþvottavél. Eldhúsinnrétting er úr strúktúreik með hvítlökkuðum efri skápum og borðplötur eru úr ljósum Silestone.
Stofa og borðstofa: Rúmgóð og björt með stórum gluggum í suður og vestur. Útgengi á suðursvalir.
Hjónaherbergi: Mjög stórt með rúmgóðu fataherbergi og sér baðherbergi með gólfhita. Aðgengi út á stórar svalir með ótrúlegu útsýni.
Svefnherbergi: Gott herbergi með aðgengi út á norðursvalir.
Baðherbergi: Flísalagt með innréttingu, upphengdu salerni og sturtu.
Þvottahús: Innan íbúðar, með miklu hillu og skápaplássi, flísalagt með skolvask.
Svalir: Tvennar glæsilegar svalir sem snúa í norður og suður, samtals rúmlega 80 fermetrar.

Íbúðin er útbúin sínu eigin fullkomna loftræstikerfi sem endurnýtir varma um 70%. Notendavænn stjórnbúnaður fylgir kerfinu sem hægt er að stilla á mismunandi styrk.
Kostir kerfisins eru:
- Minni hitunarkostnaður.
- Hreint loft (síuskipti árlega).
- Ávallt ferskt loft, óþarfi að opna glugga sama hvernig veðrið er.
- Enginn dragsúgur.
- Kerfið er stillt á yfirþrýsting sem gerir það að verkum að ryk og raki leita burt en ekki inn í íbúð.
- Góð loftræsing dregur verulega úr hættunni af myglumyndun.

Allar nánari upplýsingar á og utan opnunartíma veitir: 
Jón Óskar Karlsson í síma 693 9258 - jonoskar@atvinnueign.is

Verð: 400 þús.

Senda fyrirspurn

Herbergi: 3
Stærð: 172 fm.
Laus: 1. apríl