Þýski töframaðurinn Roy Horn, sem varð fyrir árás tígrisdýrs á Mirage-hótelinu í Las Vegas, er kominn á sjúkrahús í Los Angeles. Sjö ára gamalt tígrisdýr réðst að hálsi Horn og dró hann út af sviðinu þegar sýning átti sér stað á hótelinu hinn 3. október. Horn, sem er annar þýska tvíeykisins Siegfried og Roy, hafði skemmt gestum í Las Vegas í rúmlega 30 ár.

Bernie Yuman, umboðsmaður Siegfried og Roy, segir að Horn hafði sýnt mikinn viljastyrk og framfarir síðustu vikur. Siegfred Fischbacher, félagi Horn, hefur jafnframt gefið í skyn að tígrisdýrið hafi ætlað að hjálpa Horn, en aðrir hafa vísað þessum vangaveltum á bug.