Veröld/Fólk | 1 Fólk - fréttir | mbl | 5.1.2004 | 14:22 | Uppfært 14:40

Batman-5 tekin að hluta í Freysnesi í Öræfum

Fyrirhugað er að frumsýna Batman 5 myndina í júní 2005 og er leikstjóri Christopher Nolan.

Atriði í næstu Batman-mynd, númer 5, verða tekin nærri Freysnesi í Öræfum og þegar hafa menn frá Saga Film hafið undirbúning á tökustaðnum eystra. Umfang þessa verkefnis mun vera í líkingu við James Bond-verkefnið, en eins og kunnugt er voru áhættuatriði í Die Another Day tekin á Jökulsárlóni.

Haft er eftir Finni Jóhannessyni hjá Saga Film, á fréttavefnum Horni.is að nokkrar vikur séu í að tökur hefjist og reiknað sé með að þær muni standa yfir í eina til tvær vikur.

Fyrirhugað er að frumsýna Batman 5 myndina í júní 2005 og er leikstjóri Christopher Nolan, sem m.a. gerði myndina Memento. Christian Bale mun fara með hlutverk Bruce Wayne/Batmans í myndinni. Hann hefur m.a. leikið í myndunum Captain Corelli's Mandolin, Shaft og American Psycho. Alfred Pennyworth, þjón Batmans, leikur breski leikarinn Michael Caine. Kvenhetjuna leikur Katie Holmes, sem leikur m.a. í sjónvarpsþáttunum Vík milli vina. Þá herma sögusagnir að Viggo Mortensen muni leika illmennið en Mortensen er í hlutverki Aragorns í myndunum um Hringadróttinssögu.

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...