George Lucas við tökur á öðrum hluta Star Wars bálksins, Árás klónanna. AP

„Hann bjargaði mér þegar ég gat ekki skrifað staf í kvikmyndahandriti og nú er ég orðinn ókrýndur konungur hinna stirðu samtala,“ sagði Lucas er hann tók við viðurkenningu frá Bandarísku kvikmyndastofnuninni í Los Angeles í síðustu viku.

Frá þessu greinir fréttavefur kanadíska ríkisútvarpsins, CBC.

Tekjurnar af Stjörnustríðsmyndunum nema milljörðum dollara en gagnrýnendur hafa þó verið lítt hrifnir af því hvernig persónurnar í myndunum tala. Þannig sagði Roger Ebert í umfjöllun sinni um nýjustu myndina, Revenge of the Sith, að persónurnar í myndinni töluðu „undirstöðuensku“, litlausa og án allrar hnyttni.

Frægt varð þegar Harrison Ford sagði við tökur á fyrstu myndinni: „George, það er hægt að skrifa svona, en það er óhugsandi að nokkur segi svona.“