Fræga fólkið mætti ekki í teiti Kevin Federline

Rapparinn Kevin Federline, betur þekktur sem eiginmaður Britney Spears, varð fyrir miklum vonbrigðum þegar enginn frægur mætti í teiti sem hann hélt að lokinni verðlaunahátíðinni Teen Choice Awards. Federline tróð upp á hátíðinni og þótti afar slakur. Er það talin orsök þess að enginn hinna frægu skemmtikrafta sem hann bauð mætti í teitina.

Má þar nefna söngkonuna Jessicu Simpson, leikkonuna Mischa Barton, leikarann Branton Routh og söngkonuna Nelly Furtado. Heimildarmaður dagblaðsins New York Daily segir fyrrgreindar einstaklinga ekki hafa viljað leggja það á sig að láta sem Federline hafi staðið sig vel.

Eiginkona Federline, Britney Spears, mætti þó í teitina, kasólétt af öðru barni þeirra. Mikið grín hefur verið gert að Federline í tónlistargeira Bandaríkjanna og segir ritstjóri XXL tónlistartímaritsins að betra væri að láta sem hann væri ekki til. ,,Hann er bara brandari. Ég held hann viti það bara ekki," segir ritstjórinn.

• 1 blogg um fréttina

Bloggað um fréttina

• Hallbjörn Sigurður Guðjónsson: KFed ekki að meika það.