Herhvöt til stuðnings Magna Ásgeirssyni bar greinilega árangur því hann var sá eini af keppendunum sex í Rock Star Supernova sjónvarpsþáttunum, sem aldrei var í þremur neðstu sætunum meðan á atkvæðagreiðslu eftir þáttinn á þriðjudagskvöldið stóð. Magni er því meðal þeirra fimm, sem halda áfram þátttöku.
Það var Ryan Star, 28 ára söngvari frá Long Island í New York, sem var sendur heim í þættinum í kvöld en Dilana og Storm Large þurftu að syngja til að halda sætum sínum í þáttunum.
Fram kom að tvöfalt fleiri atkvæði voru greidd eftir þáttinn í gærkvöldi en mest hefur verið áður.