Segjast hafa verið plataðir til að koma fram í mynd Borats
Sacha Baron Cohen í hlutverki Borats. Reuters
Í málsskjölum kemur fram að í myndinni sjáist námsmennirnir tveir viðhafa ummæli sem lýsi kynþáttahatri. Þeir hafi verið blekktir til að hegða sér með tilteknum hætti, sem þeir undir venjulegum kringumstæðum hefðu ekki gert.
Talsmaður kvikmyndaversins sagði að málshöfðunin væri án nokkurra raka.
Í myndinni leikur breski grínleikarinn Sacha Baron Cohen fréttamanninn Borat frá Kasakstan, sem ákveður að gera heimildarmynd um Bandaríkin. Í myndinni eru námsmennirnir kynntir sem félagar í nemendafélagi í háskóla í Suður-Karólínu.
Samkvæmt málsskjölunum fóru framleiðendur myndarinnar með námsmennina á bar og gáfu þeim áfengi áður en þeir tóku þátt í kvikmyndatökunum. Var þeim sagt að þeir ættu að koma fram í heimildarmynd, sem aðeins yrði sýnd utan Bandaríkjanna. Þegar þeir gerðu sér grein fyrir því hvers kyns var hafi þeir orðið fyrir auðmýkingu og aðkasti og þolað mikla sálarkvöl.
