Þýska fyrirsætan Heidi Klum og bandaríski söngvarinn Seal eignuðust son í gær. Drengurinn, sem vó tæpar 16 merkur, hefur fengið nafnið Johan Riley Fyodor Taiwo Samuel.
„Hann er heilbrigður og fallegur og er alveg eins og móðirin," segir í tilkynningu á heimasíðu Seal.
Þau Klum, sem er 33 ára, og Seal, sem er 43 ára, giftu sig á síðasta ári. Þau eiga fyrir ársgamlan son, Henry Guenther Ademola Dashtu Samuel. Klum á einnig dótturina Leni með Ítalanum Flavio Briatore, framkvæmdastjóra kappakstursliðs Renault.