Breska rokksveitin Jethro Tull heldur tónleika hér á landi í lok næsta sumars en nákvæm dagsetning tónleikanna hefur ekki enn verið staðfest. Ian Anderson, flautuleikari og forsprakki sveitarinnar, hélt tónleika í Laugardalshöll í maí síðastliðnum en Jethro Tull hélt hins vegar tónleika á Akranesi árið 1992.
Sveitin er á meðal áhrifamestu hljómsveita breskrar rokksögu og hafa sveitir á borð við Iron Maiden nefnt hana sem áhrifavald. Þá hefur sveitin selt yfir 60 milljónir platna.