Pink segir ullarpeysum stríð á hendur

Söngkonan Pink hefur gengið til liðs við dýraverndunarsamtökin PETA og hvetur fólk til þess að sniðganga ástralskan ullariðnað og um leið að kaupa ekki ullarpeysur. Með þessu vonast söngkonan til þess að sauðfjárbændur í Ástralíu hætti að klippa skinn sauðkindarinnar aftan til á skepnunni til að forðast árásir skordýra.

Segir Pink að aðferðir sauðfjárbænda séu fullar af kvalalosta og að þær fái hana til þess að vilja henda öllum ullarflíkum út úr fataskápnum.

Hún hvetur fólk til þess að skoða vörumerki á flíkum úr ull áður en þær eru keyptar og ef þær eru framleiddar úr ástralskri ull þá biður hún neytendur um að skila þeim aftur upp í hillu verslana.

• 2 blogg um fréttina

Bloggað um fréttina

• TómasHa: Hvað skildi standa á þeirri íslensku
• Hlynur Hallsson: Góðar fréttir fyrir íslendinga