Veröld/Fólk | 1 Fólk - fréttir | mbl | 17.2.2007 | 10:12

Britney snoðklippt á húðflúrsstofu

Britney Spears AP

Söngkonan Britney Spears veldur Gróu á leiti enn áhyggjum en fregnir herma að Spears hafi mætt nauðasköllótt á húðflúrsstofu í Kaliforníu og látið flúra tvennar varir, rauðar og bleikar á úlnlið sinn. Þá segir á vefsíðu People tímaritsins að Britney hafi skráð sig inn á meðferðarstofnun Erics Clapton skömmu áður, en hún mun hafa staldrað stutt við því hún var komin úr deginum síðar og fór þess í stað á áðurnefnda húðflúrsstofu.

Veislugleði og klæðaburður Spears hefur vakið mikla athygli að undanförnu, en svo virðist sem fyrrverandi eiginmaður hennar, dansarinn Kevin Federline hafi ekki haft þau slæmu áhrif á söngkonuna sem hann var sakaður um. Söngkonan hefur a.m.k. virst stjórnlítil síðan hún sagði skilið við Federline.

Starfsmaður húðflúrsstofunnar, Derrik Snell, segir þó að Spears hafi virst í ágætu jafnvægi þegar hún kom þangað þrátt fyrir hárgreiðsluna nýju.

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið