Veröld/Fólk | 1 Fólk - fréttir | mbl | 12.3.2007 | 17:18

Eiríkur verður fimmti á svið í Helsinki

Eiríkur Hauksson flytur lagið Ég les í lófa þínum. mbl.is/Eggert

Eiríkur Hauksson verður 5. í röðinni í undankeppni Söngvakeppni evrópskra sjónvarpsstöðva, sem fer fram í Helsinki í maí en dregið var um röð keppenda eftir hádegið í dag. Alls taka 28 þjóðir þátt í undankeppninni sem fer fram 10. maí.

Fyrsti fimm löndin, sem dregin voru úr hattinum, fengu að velja hvar í röðinni þau verða. Þetta voru Austurríki, Andorra, Slóvenía, Tyrkland og lettland og völdu þau sér öll sæti á bilinu 21. til 28.

Einnig var dregið um röð í úrslitakeppninni þar sem 24 þjóðir taka þátt: 14 efstu þjóðirnar frá því í fyrra og 10 stigahæstu þjóðirnar í úrslitakeppninni.

Þá var einnig dregið um í hvaða röð þær 42 þjóðir, sem taka þátt í keppninni, greiða atkvæði. Ísland er þar í 37. sæti.

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið