Dáist að kynkrafti föður síns

Sonur breska rokkarans Rods Stewart er forviða á óseðjandi kynlífslöngun föður síns. Hinn 25 ára gamli Sean hefur viðurkennt að sér þyki mikið til náttúru föður síns koma og segir að hann standist honum engan veginn snúning þegar kemur að úthaldi í svefnherberginu.

„Pabbi hættir einfaldlega ekki. Hann er eins og kanína á sterum. Ég veit ekki hvað ég á til bragðs að taka," sagði Sean sem kemur um þessar mundir fram í sjónvarpsþættinum „Synir Hollywood". Hann sagði einnig að hann ætti stundum í vandræðum með að muna hvað hann ætti mörg systkini, en hinn

62 ára gamli Rod á sjö börn með fimm konum, yngst þeirra er hinn 14 mánaða gamli Alastair. Sean viðurkenndi nýlega að hann hefði haft langanir í garð fyrrum stjúpmóður sinnar, Rachel Hunter.

„Ég átti það til að stara á hana þegar hún lá nakin í sólbaði við sundlaugarbakkann. Ég var svona 15 eða 16 ára," sagði hinn ófeimni Sean í viðtali við útvarpsmanninn umdeilda Howard Stern.