Garðar Thor ber dýran kross
Setja bókamerki
Camilla hertogynjan af Cornwall mætti í gær á afhendingu bresku tónlistarverðlaunanna Classical Brit Awards þar sem veitt eru verðlaun fyrir afrek í sígildri tónlist. Breska dagblaðið Daily Express sagði að þótt hertogynjan hefði verið glæsileg hefði hún fölnað við hlið tveggja óperusöngvara, þeirra Katherine Jenkins og Garðars Thor Cortes.
Jenkins mætti á rauða dregilinn fyrir utan Royal Albert Hall í London í glansandi svörtum hestvagni og klæddist hún fallegum skósíðum silkikjól og skýrði Daily Express frá því að hún hefði skrýðst svissneskum eðalsteinum að andvirði tæplega 200 milljóna króna.
Blaðið nefndi aðra stjörnu sem hefði skrýðst eðalsteinum en það var Garðar Thór sem var með demantskross um hálsinn sem blaðið staðhæfði að kostaði um 254 milljónir króna. Krossinn var hannaður af íslensku forsetafrúnni, Dorrit Moussaieff.
„Það er mikill heiður að fá að ganga með þennan kross. Hann er rándýr,” sagði Garðar Thor við blaðið.
Jenkins söng á hátíðinni og auk hennar spiluðu bæði Sting og lútuleikarinn Edin Karamazov og kórinn All Angels sem og fiðluleikarinn Joshua Bell.
Efst á lista yfir þá sem hlutu verðlaun var Sir Paul McCartney sem hlaut verðlaun fyrir bestu plötuna fyrir Ecce Cor Meum með sígildri tónlist eftir hann.
Hægagangur og vaxandi ókyrrð
Kveðst tala af virðingu: „Ég er enginn dóni“
Mikil skjálftavirkni á landinu áhyggjuefni
Bjarkey stendur við skammarbréf Svandísar
„Menn eru bara búnir að forgangsraða“
Stóraukið fé til samgöngusáttmála
Markaðurinn hitnar og leiguverð hækkar hratt
Innviðir þandir og álagið „gríðarlegt“