Veröld/Fólk | 1 Fólk - fréttir | mbl | 12.5.2007 | 22:09 | Uppfært 13.5.2007 1:19

Serbía vann Eurovision

Marija Serifovic flytur lagið Molitva í Helsinki í kvöld. Reuters

Serbneska söngkonan Marija Serifovic vann Eurovision söngvakeppnina með yfirburðum í kvöld. Hvíta-Rússland var í öðru sæti og Tyrkir í þriðja sæti. Íslendingar gáfu Finnum 12 stig, Svíum 10. stig og Ungverjum 8 stig. Eiríkur Hauksson hafnaði í 13. sæti í undankeppninni með 77 stig og varð Ísland efst af Norðurlöndunum í undankeppninni. 14 stigum munaði að Eiríkur kæmist í úrslit.

Serbar fengu 376 stig, Hvíta-Rússland 297 stig, Tyrkland 207 stig, Úkraína 195 stig og Rússland 138.

Í undankeppninni fengu Íslendingar 46 stig frá hinum Norðurlöndunum, þar af 12 stig frá Finnlandi, Noregi og Svíþjóð og 10 stig frá Danmörku.

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið