Uppgjör góðs og ills

Hér gefur að líta stafla af nýjustu Harry Potter bókinni í bókaverslun í Pakistan. AP

Sjöunda og síðasta bókin um galdrastrákinn Harry Potter, Harry Potter and the Deathly Hallows, kom út sl. laugardag. Árni Matthíasson, blaðamaður Morgunblaðsins, skrifar umsögn um bókina í Morgunblaðinu í dag og segir hana þá skemmtilegustu af bókunum sjö, enda takist höfundinum, J. K. Rowling, vel upp við að blanda saman óttalegum viðburðum og skondnum uppákomum.

Í bókinni eru líka grimmileg átök sem ná hámarki í lokaorrustu þar sem þeir takast á Harry Potter og Voldemort hinn illi, en að sögn Árna falla tugir í valinn í síðustu bókinni, þar á meðal persónur sem fylgt hafa okkur í gegnum bækurnar allar.

Hægt er að lesa ritdóminn í Morgunblaðinu í dag.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið