Þær sögur ganga nú staflaust um slúðurheima að popparinn Robbie Williams hyggist leika í nýrri Star Trek-mynd. Robbie er víst eldheitur aðdáandi vísindaskáldskapar, og mun leika Kaftein James T Kirk ef allt gengur að óskum, persónuna sem William Shatner gerði heimsfræga með leik sínum í sjónvarpsþáttunum upprunalegu og þeim kvikmyndum sem fylgdu í kjölfarið.

Robbie er nú í samningaviðræðum við leikstjóra nýju myndarinnar, J.J. Abrams, en sá er hvað kunnastur fyrir að vera hugmyndasmiðurinn að baki Lost-þáttunum vinsælu.