„Tilraun Stuðmanna veit ég að féll í misjafnan jarðveg, en Stuðmenn eru uppátækjasamir tónlistarmenn, og menn sem spila mikið finna auðvitað þörf hjá sér til að breyta til og spila eitthvað nýtt," sagði Einar Bárðarson um flutning Stuðmanna á afmælistónleikum Kaupþings síðastliðið föstudagskvöld, en sitt sýndist hverjum um flutning sveitarinnar.

Áskilja sér rétt til að koma á óvart

Bloggarar eru meðal þeirra sem farið hafa hamförum í neikvæðri umfjöllun um frammistöðu Stuðmanna þetta umrædda kvöld, en sveitin lék mörg af sínum þekktustu lögum í nýjum og heldur rafrænni útfærslum.

"Stuðmenn áskilja sér rétt til að koma fólki á óvart," sagði Stuðmaðurinn Jakob Frímann Magnússon um málið í samtali við blaðamann Morgunblaðsins.

"Okkur þykir vænt um að fólki er ekki alveg sama hvernig Stuðmenn hljóma."

Sjá nánar í Morgunblaðinu í dag.