Auðjöfurinn Simon Sainsbury ánafnaði tveimur breskum listasöfnum átján málverk sem metin eru á 100 milljón pund, í erfðaskrá sinni en hann lést á síðasta ári. Langafi hans var stofnandi bresku verslunarkeðjunnar Sainsbury.
Verkin koma úr einkasafni Sainsbury's og eru meðal annars eftir listamennina Claude Monet, Edgar Degas, Thomas Gainsborough og Francis Bacon. Tate Britain fær 13 verk að gjöf en National Gallery fær fimm verk til eignar. Forsvarsmenn safnanna segja gjöfina einstaka í sögu safnanna enda séu málverk eftir þessa listamenn gríðarlega dýr og erfitt að eignast þau.
Verkin átján verða öll sýnd í Tate safninu næsta sumar