Ekki bara stengur í keng

Stangveiði um land allt, frá vori og fram á haust er viðfangsefnið í nýrri bók um þetta vinsæla áhugamál Íslendinga. Fylgst er með veiðum á bleikju, urriða og laxi og meðal viðkomustaða eru Laxá í Kjós, Brennan, Hlíðarvatn, Tungufljót, Selá og Brunná.

Bókin nefnist „Í fyrsta kasti,“ og höfundar hennar eru Einar Falur Ingólfsson og Kjartan Þorbjörnsson (Golli), sem hafa verið ljósmyndarar á Morgunblaðinu um árabil, og ennfremur sinnt veiðiskrifum fyrir blaðið undanfarin ár. Báðir eru þeir miklir áhugamenn um stangveiði.

Bókin er í stóru broti og í henni eru um 200 ljósmyndir, sem flestar birtast þar í fyrsta sinn.

• 2 blogg um fréttina

Bloggað um fréttina

• Þorsteinn Gunnarsson: Datt fyrst í hug að "Stengur" væri dýra-, eða grastegund
• Jóhann Elíasson: Nú er bara að fara að undirbúa næsta sumar!!!