Veröld/Fólk | Fræga fólkið - hægri dálkur | mbl | 14.12.2007 | 16:20

Ævintýri J.K Rowling seldist á 250 milljónir króna

Kápa bókarinnar, The Tales of Beedle the Bard, eftir J.K Rowling. HO

Handskrifað ævintýri sem nefnist The Tales of Beedle the Bard eftir J.K Rowling seldist á rúmar 250 milljónir króna á uppboðshúsi Sotheby´s í gær.

Búist var við að 6 milljónir fengjust fyrir bókina en kaupandinn var netverslunin Amazon.com.

Allur ágóði sölunnar mun renna til góðgerðasamtaka sem J.K Rowling stofnaði sjálf í þágu nauðstaddra barna.

Samkvæmt fréttastofu Reuters hefur einungis eitt þessara ævintýra birst á prenti en alls voru gerðar sjö handskrifaðar bækur en Rowling hefur gefið hinar sex.

Bókin er bundin í leður og skreytt með glitrandi steinum. Í bókinni eru fimm handskrifuð ævintýri sem nefnd eru í síðustu bók Rowling um Harry Potter.

Veröld/Fólk, Fræga fólkið - hægri dálkur — Fleiri fréttir

Phelps snýr aftur til Peking

13.1.2009 Sundkappinn Michael Phelps sem vann til átta gullverðlauna á Ólympíuleikunum í Peking í sumar sneri aftur til borgarinnar nýverið. Í þetta skiptið var það ekki til að keppa þó svo hann hafi eytt mestum tíma í sundlauginni. Meira

Fergie og Duhamel gefin saman

Fergie söng með hljómsveitinni Black Eyed Peas.

11.1.2009 Tónlistarkonan Fergie og leikarinn Josh Duhamel voru gefin saman í Malibu í Kaliforníu í gærdag. Athöfnin þótti ævintýraleg en hún fór fram undir magnólíutrjám sem skreytt voru þúsundum hvítra rósa. Meira

Sækir um skilnað frá Winehouse

12.1.2009 Blake Fielder-Civil, eiginmaður söngkonunnar Amy Winehouse, hefur sótt um skilnað. Ástæðan er framhjáhald söngkonunnar óstýrilátu. Fielder-Civil og Winehouse gengu í hjónaband árið 2007. Hjónabandið hefur verið stormasamt og Fielder-Civil varði miklum hluta síðasta árs í fangelsi. Meira

Sopranos-leikari dæmdur í fangelsi

11.1.2009 Leikarinn Lillo Brancato sem er m.a. þekktur fyrir leik sinn í Sopranos-þáttunum var á föstudag dæmdur til 10 ára fangelsisvistar fyrir aðild sína að innbroti inn í íbúð í New York þar sem Brancato og félagi hans ætluðu að stela lyfjum. Lögreglumaður sem reyndi að stöðva innbrotið var skotinn til bana af félaga Brancato. Meira