Potter kaupir penthouse-íbúð

Leikarinn ungi, Daniel Radcliffe keypti sér nýlega þakíbúð eða svo kallað Penthouse í Soho-hverfi á Manhattan-eyju fyrir um 270 milljónir íslenskra króna. 

Íbúðin er á 13. hæð og hyggst Radcliffe leigja hana út fyrir 20 þúsund Bandaríkjadali á mánuði eða um 1,3 milljónir króna uns hann flytur sjálfur inn til að leika í leikritinu Equus á Broadway næsta haust.

Skömmu áður en Radcliffe varð 18 ára og fjárráða síðast liðið sumar sagðist hann ekki ætla að kaupa neitt óhóflega dýrt. „Mér finnst skemmtilegast að kaupa hluti sem kosta um fimm pund, bækur, geisladiska og DVD-mynddiska,” sagði hann.

Í nýju íbúðinni fær hann svipaða þjónustu og á lúxushótelum og aðgang að sundlaug og gufubaði.