Hneykslismál og slæm umfjöllun fjölmiðla um poppstjörnur virðast hafa lítil eða jafnvel jákvæð áhrif hafa á plötusölu. Platan Back to Black með söngkonunni Amy Winehouse er líklega sú söluhæsta í Bretlandi á þessu ári þrátt fyrir að mikið hafi verið fjallað um drykkjuskap, lyfjanotkun söngkonunnar, stormasamt einkalíf og lélega frammistöðu á tónleikum.
Back to Black hefur selst í 1,5 milljónum eintaka á Bretlandseyjum á árinu en fast á hæla Winehouse eru plöturnar Life in Cartoon með söngvaranum Mika og Spirit, geislaplata Leonu Lewis.
Þá hefur fyrsta plata Winehouse, Frank, selst í 300.000 eintökum á árinu, en fjögur ár eru síðan hún kom út.
Ekki er þó alfarið útséð með það hver söluhæsta platan verður því sex milljónir platna seldust í Bretlandi í síðustu viku og verður komandi helgi væntanlega sú söluhæsta á árinu.