Depp gefur sjúkrahúsi gjöf að andvirði 126 milljónir króna
Johnny Depp á frumsýningu myndarinnar Sweeney Todd. Reuters
Johnny Depp hefur gefið barnasjúkrahúsi í London framlag að andvirði 126 milljónir króna fyrir að bjarga lífi dóttur sinnar.
Leikarinn heimsótti Great Ormond Street sjúkrahúsið með leynd í gær og afhendi upphæðina persónulega.
Dóttir Johnnys Lily Rose, sem er átta ára, var lögð inn á Great Ormond Street í mars síðastliðnum eftir að nýru hennar fóru að bila. Á sjúkrahúsinu fékk hún meðferð við eitrun af völdum E.coli.
„Þetta var það hræðilegasta sem ég hef upplifað. Great Ormond sjúkrahúsið er frábært," sagði Johnny.
Í nóvember síðastliðnum eyddi Johnny fjórum tímum með börnum á sjúkrahúsinu og las sögur í gervi Jack Sparrows sjóræningja.
Hann bauð einnig fimm læknum af sjúkrahúsinu á frumsýningu nýjustu myndar sinnar, söngvamyndarinnar Sweeney Todd.
