Chris Martin söngvari Coldplay. AP

Chris Martin söngvari Coldplay ýtti ljósmyndara niður í götuna fyrir utan Mount Sinai sjúkrahúsið í New York.  Chris var þar með konu sinni Gwyneth Paltrow en orðrómur er um að hún eigi von á barni. 

Chris missti stjórn á skapi sínu þegar ljósmyndarinn kastaði á hann hamingjuóskum á leið hans út af sjúkrahúsinu og greip í hann. 

Chris ýtti ljósmyndaranum niður í gangstéttina áður en hann fór upp í bíl sinn og keyrði í burtu.

Farið var með Gwyneth í skyndi á sjúkrahús síðastliðinn mánudag en talsmaður hennar hefur ekki viljað gefa upp ástæður fyrir því en það sást til hjónanna á fæðingardeild sjúkrahússins.

Chris hefur áður reiðst ljósmyndurum en hann var handtekinn í Ástralíu árið 2003 en hann var sagður hafa ráðist að bíl ljósmyndara sem tók myndir af honum á á brimbretti á ströndinni.