Fréttamaðurinn John Gibson hefur beðist formlega afsökunar á ummælum sínum í útvarpsþætti þar sem hann hæddist að andláti leikarans Heath Ledger. 24 Stundir greindu frá því í gær að Gibson, sem er fréttaþulur hjá Fox fréttastofunni, hefði sagt að Ledger hefði verið furðufugl og grínast ítrekað með að hann hefði framið sjálfsmorð vegna hinna og þessa hluta, svo sem lækkandi gengis verðbréfa. Gibson sagði í beinni útsendingu að hann iðraðist orða sinna.