Jónsi kom út úr skápnum

Jón Jósep Snæbjörnsson, Jónsi mbl.is/Golli

Eftir Jóhann Bjarna Kolbeinsson jbk@mbl.is

Árshátíð Icelandair var haldin með pomp og prakt síðastliðið laugardagskvöld, en herlegheitin fóru fram í Laugardalshöll. Alls mættu um 1.600 manns á hátíðina sem var öll hin glæsilegasta; boðið var upp á fimm rétta máltíð, veislustjórar voru hjónin Óskar Jónasson og Eva María Jónsdóttir, og rúsínan í pylsuendanum var svo fönksveitin Jagúar sem lék fyrir dansi.

Veislustjórinn Óskar brá sér um tíma í gervi töframannsins Skara skrípó sem sýndi nokkur töfrabrögð, gestum til mikillar ánægju. Lokaatriðið vakti sérstaka athygli viðstaddra, en í því notaðist Skari við forláta skáp sem hann sagði að í væri ungur maður sem vildi komast út. Hann hafði varla sleppt orðinu þegar Jón Jósep Snæbjörnsson, Jónsi í Í svörtum fötum, stökk út úr skápnum, íklæddur síðkjól og öllu tilheyrandi, og söng eitt lag við mikinn fögnuð veislugesta. Eins og margir eflaust vita vann Jónsi sem flugþjónn hjá Icelandair síðastliðið sumar en hann vinnur nú hjá Glitni.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið