Breskur listamaður, Mark Quinn, hefur sett upp sýningu á höggmyndum af risastórum fóstrum og kallar hann sýningu sína Þróun.
Níu höggmyndir sýna vöxt fóstra frá því snemma á meðgöngu til fæðingar og eru höggmyndirnar höggnar út úr bleikum marmara.
Listaverk Mark Quinns eru til sýnis í White Cube sýningarsalnum í London. Hver höggmynd var verðlögð á um 30 milljónir króna en þeir sem vildu skreyta stofur sínar með þessum myndum eru of seinir: ónafngreindur kaupandi keypti öll verkin. Ekki er vitað hvort hann fékk magnafslátt.