Kann varla að kveikja á tölvu

Leikkonan Angelina Jolie hefur viðurkennt að vera gjörsamlega hjálparvana þegar kemur að tölvu- og tæknimálum og viðurkennir að hún þurfi oft að biðja sambýlismanninn, Brad Pitt um aðstoð þegar hún þarf að kveikja á tölvu.

Þetta kom fram í máli leikkonunnar á kvikmyndahátíðinni í Santa Barbara á laugardag.

„Eins og Brad veit þá kann ég eiginlega ekki að kveikja á tölvu," sagði Jolie við gesti á hátíðinni.

Jolie ljóstraði fleiru upp á hátíðinni og meðal annars því að hún hafi ekki verið neitt sérstaklega spennt fyrir hlutverkinu í kvikmyndinni Mr. and Mrs. Smith en viðurkennir að hún sé alsæl í dag með að hafa þegið hlutverkið því þau Pitt kynntust við tökur myndarinnar.

En Jolie ljóstraði ekki upp hlut sem er á allra vörum sem fylgjast með fræga fólkinu, eiga þau Pitt von á barni eða börnum?

Jolie var í mjög víðri blússu á hátíðinni og ekki dró úr orðróminum við það og eins þegar hún upplýsti gesti og gangandi um að hennar helsta ástríða í lífinu væri móðurhlutverkið en hún og Brad Pitt eiga fjögur börn, Maddox, Pax,Zahara og Shiloh.

• 1 blogg um fréttina

Bloggað um fréttina

• Salvör Kristjana Gissurardóttir: Kona sem kann varla að kveikja á tölvu