Stjörnurnar styðja Merzedes Club

Strákarnir okkar, þeir Pétur Jóhann Sigfússon, Sveppi og Auddi eru á meðal þeirra sem hafa stokkið um borð í hljómsveitarvagn Merzedes Club og lýst yfir stuðningi við sveitina og lagið í myndbandi sem má nálgast á YouTube.

Önnur sjónvarpsstjarna, Logi Bergmann Eiðsson, lýsti yfir stuðningi sínum á Vísi.is á fimmtudaginn en hans stuðningsyfirlýsing ætti að vega þungt því vart er hægt að finna annan eins Evróvisjón-sérfræðing og Loga, ef frá er talinn Gísli Marteinn Baldursson.

Óhætt er að fullyrða að Merzedes Club hafi spilað mjög vel úr sínu fjölmiðlaspili en hættan er einnig sú að sjónvarpsáhorfendur telji lagið þegar hafa sigrað og láti það því vera að hringja inn og kjósa.

Allt kemur þetta í ljós í kvöld.