Colin Farrel, með móður sinni, á Óskarsverðlaununum síðasta sunnudag Reuters

Írski leikarinn Colin Farrell hefur skýrt frá því að hann líti á son sinn sem „gjöf“. Farrell segir að hinn fjögra ára gamli James, sem er greindur með Angelmanheilkenni, sé eins hamingjusamur og hann geti verið og að allir gætu lært eitthvað af hans stórkostlega lífsmáta.

Colin, sem deilir forræði yfir James með fyrrverandi kærustu sinni Kim Bordenave, sagði í írska sjónvarpsþættinum Tubridy Tonight: „Hann er ekkert nema gjöf. Frá mínu sjónarhorni er hann nákvæmlega eins og hann ætti að vera. Þegar ég lít í kringum mig sé ég fólk með fullkomna hreyfigetu, sem hreyfir sig tignarlega, talar fallega og skýra ensku, en er samt ótrúlega óhamingjusamt - líka ég, stundum. Svo sér maður þennan dreng sem hreyfir sig ekki á þann hátt sem telst venjulegt og hann er eins hamingjusamur og hann getur verið.“

Hinn þrjátíu og eins árs gamli leikari ákvað að rjúfa þögn sína um sjúkdóm sonar síns á síðasta ári vegna þess að hann vildi ekki að fólk héldi að hann skammaðist sín fyrir ástand hans.

Angelmanheilkenni hrjá aðeins einn af hverjum 12.000 einstaklingum og valda talerfiðleikum, skertri hreyfigetu og jafnvægi.

 „Ég talaði ekki um son minn og mér fannst eins og ég væri að svíkja hann, líkt og það gæti orðið miskilið sem skömm, sem væri hræðilegt, vegna þess að hann er þvílíkt fagnaðarefni.“ Sagði Farrell.

Í öðru viðtali lýsti Colin því hvernig hann brást í grát þegar James byrjaði að ganga síðasta haust.

Hann sagði In Touch blaðinu: „James er einfaldlega fullkomin. Hann er frábær. Þegar hann tók fyrstu skrefin á síðasta ári, var tár á hverjum hvarmi á heimilinu. Ég er mjög lánsamur maður.“