Katoucha Niane. AP

Katoucha Niane, ein fyrsta þeldökka fyrirsætan sem öðlaðist heimsfrægð, fannst látin í París í gær en lík hennar fannst í ánni Signu. Niane hafði ekki sést frá 31. janúar en taska hennar fannst nálægt húsbáti á ánni. 

Niane, sem var 47 ára og þriggja barna móðir, hafði verið ásamt nokkrum vinum í samkvæmi í París áður en hún hvarf. Lík hennar fannst síðan fyrir tilviljun í gær þar sem það hafði skorðast undir brú yfir Signu.

Parísarlögreglan segir, að allt bendi til þess að um slys hafi verið að ræða og Niane hafi fallið í ána og drukknað.

Niane fæddist í Gíneu.