Veröld/Fólk
|
Veraldarfréttir
| mbl
| 21.4.2008
| 9:42
Ástarleikurinn barst út á bílastæði
Vegfarendum við hraðbraut í Danmörku leist ekki á blikuna síðdegis á laugardag þegar þeir sáu hálfnakta konu á flótta undan karlmanni veifandi einhverju sem leit út eins og byssa.
Grandvar borgari, sem átti leið um veginn við Åshøj nálægt Køge hringdi í lögregluna en fólkið var á aflögðu útskoti við veginn. Lögreglan kom fljótt á staðinn en þá kom í ljós, að konan þurfti ekki á hjálp að halda. Karlmaðurinn sem elti hana var kærastinn hennar og eltingaleikurinn var hluti af erótískum leik.
Fram kemur á fréttavef Jyllands-Posten, að lögregla hafi beðið parið, sem er 24 og 19 ára, að stunda leiki sína á afviknari stöðum í framtíðinni.
© Árvakur hf.
Öll réttindi áskilin
