Símhringingar til þýsks manns voru að gera hann brjálaðan í tvö ár. Síminn hringdi, maðurinn svaraði og aldrei fékk hann svar. Í ljós kom að hringingarnar komu frá hárgreiðslustofu í hvert skipti sem greiðslukort var samþykkt.   

Lögreglan í Frankfurt aðstoðaði manninn við að hafa upp á aðilanum sem var sífellt að hringja í hann. Hann þekkti ekki númerið sem birtist og því lét hann loka fyrir númerið. Eftir fáeina mánuði vildi maðurinn ekki lengur borga fyrir þjónustuna og símhringingarnar urðu tíðari.  Lögreglan rakti númerið til hárgreiðslustofu í Hamborg.

 Fyrirkomulagið með greiðslu var þannig að hringt var í manninn í hvert skipti sem greiðslukort var samþykkt. Starfsfólkið vissi ekki af vandanum.

“Þegar hann svaraði í símann fékk hann aldrei svar á móti. Ekki fékk hann svar heldur þegar hann hringdi til baka,” sagði talsmaður lögreglunnar í Frankfurt, að því er fram kemur á fréttavef Reuters.