Lögreglumynd af Lohan notuð í auglýsingu

Mynd sem lögreglan tók af Lindsay Lohan eftir að hún var tekin fyrir ölvun við akstur í Los Angeles í fyrra birtist í heilsíðuauglýsingu bandarísku dagblaði fyrir helgina, en þar auglýsa samtök veitingamanna og áfengissala.

Samtökin berjast gegn lögleiðingu nýrrar tækni sem ætlað er að koma í veg fyrir að ölvað fólk geti startað bílum. Segja þau að með þessari tæki yrði mörgum gert erfitt um vik að neyta áfengis í hófi, eins og til dæmis að fá sér vín með mat, áður en bifreið er ekið.

Í auglýsingunni er texti sem segir að þessi tækni væri góð fyrir Lohan, en slæm fyrir flesta aðra.

Lögmaður Lohans sagði að hún væri eindregið fylgjandi þessari nýju tækni, og að það væri ábyrgðarleysi að gefa í skyn að í Bandaríkjunum væri einhverskonar hefð fyrir því að aka mætti bíl eftir að víns hafi verið neytt.

• 4 blogg um fréttina

Bloggað um fréttina

• hofy sig: Tvíbent skilaboð.
• Kristján Haukur Magnússon: Eftir einn, ei aki neinn
• Ómar Ingi: Auglysingin hér , sagði frá þessu 2 Maí
• Marinó Már Marinósson: Greinilega ekki sama hver er!