Laurence Fishburne mun leikstýra og leika í kvikmyndinni sem gerð verður eftir metsölubókinni Alkemistinn. AP

Ákveðið hefur verið að gera kvikmyndaútgáfu af metsölubókinni Alkemistinn eftir brasilíska rithöfundinn Paulo Coelho.  Á fréttavef BBC kemur fram að Harvey Weinstein, kvikmyndaframleiðandi, staðfesti þetta á Cannes kvikmyndahátíðinni sem nú stendur yfir í Frakklandi.  Bandaríski leikarinn Laurence Fishburne mun leika, leikstýra, og framleiða myndina í samvinnu við framleiðslufyrirtæki Weinsteins.

Sagan segir frá spænska fjárhirðinum, Santiago, sem ferðast til Afríku í leit að draumum sínum og þar hittir hann m.a alkemistann.  Bókin var gefin út árið 1988 og hefur hún selst í meira en 30 milljónum eintaka um allan heim. 

Tökur á myndinni munu hefjast eftir ár víðsvegar um Evrópu, Norður-Afríkum, og í Miðausturlöndum, og stendur leit að leikurum nú yfir.