Er Paris Hilton þunguð eða bara þung?

Paris Hilton og Benji Madden
Paris Hilton og Benji Madden Reuters

Orðrómur er um að Paris Hilton sé kona eigi einsömul. Talsmaður hennar segir þetta ekki rétt en það virðist ekki hafa dregið úr sögusögnunum. Þykir hún hafa bætt umtalsvert á sig að undanförnu og telja heimildarmenn slúðurvefja að annað hvort sé hún ófrísk eða bara að bæta á sig.

Eins hefur orðrómurinn fengið byr undir báða vængi þar sem hún hefur verið dugleg við að upplýsa gesti og gangandi um að sig langi til þess að eignast barn.

Besta vinkona Parisar, Nicole Richie og unnusti hennar, Joel Madden, sem er tvíburabróðir Benji Madden, sem er kærasti Parisar, eignuðust nýverið dóttur og þráir Paris nú að fylgja í þeirra fótspor.

mbl.is

Bloggað um fréttina