Abba sameinast í eina kvöldstund

Meðlimir hljómsveitarinnar Abba munu hittast á forsýningu kvikmyndarinnar Mamma Mia í Stokkhólmi í kvöld og er í fyrsta sinn í 22 ár sem Björn Ulvaeus, Benny Andersson, Anni-Frid Lyngstad og Agneta Fältskog hittast opinberlega.

Dagens Nyheter hefur þetta eftir Björn Ulvaeus sem gaf út þessa tilkynningu á blaðamannafundi í morgun, en myndin verður forsýnd í Rival kvikmyndahúsinu á Maríutorginu í Stokkhólmi.

Á þessari forsýningu verða fyrir utan Abba-meðlimina þau Meryl Streep, Pierce Brosnan og Colin Firth.

Síðasta opinbera framkoma allra fjögurra meðlima í Abba var 1986 þegar Stickan Anderson var „fórnarlambið" í sjónvarpsþættinum Hér er þitt líf þar sem farið var yfir farin veg og góðir gestir voru fengnir í sjónvarpssal, þar á meðal Abba.

• 3 blogg um fréttina

Bloggað um fréttina

• Anna Guðný : Mamma Mia!
• Frikkinn: Abba fyrir pabba.
• Lauja: Yndisleg hljómsveit......