Ástaratlot í gufubaði enduðu með yfirliði

Bandaríski leikarinn David Duchovny greindi frá því í nýlegu viðtali að eitt sinn hefði liðið yfir eiginkonu hans, leikkonuna Teu Leoni, þegar þau voru að stunda kynlíf í gufubaði í Kanada.

„Þetta var þegar við vorum frekar nýlega byrjuð saman og vorum í fríi í Vancouver. Við gátum ekki látið hvort annað í friði, ekki einu sinni í gufubaði. Það var ekkert mál fyrir mig, en það leið hins vegar yfir Teu,“ sagði leikarinn, sem er þekktastur fyrir hlutverk sitt í X-Files.

Duchovny, sem er 47 ára, gekk að eiga hina 42 ára gömlu Leoni fyrir 11 árum. Í stað þess að fá sér hefðbundna giftingarhringa ákváðu þau að fá sér eins húðflúr. Á húðflúrinu stendur skammstöfunin AYSF, en leikarinn vill hins vegar ekki gefa upp hvað það þýðir.