„Atvinnu-Mosfellingur“

„Rétt eins og Árni Johnsen er atvinnu-Vestmannaeyingur er ég atvinnu-Mosfellingur,“ sagði Guðný Halldórsdóttir leikstjóri í gærkvöldi, er hún veitti móttöku útnefningu sem bæjarlistamaður Mosfellsbæjar 2008 við setningu bæjarhátíðarinnar „Í túninu heima.“

Frá þessu greinir i fréttatilkynningu í dag.

Þetta er í fjórða sinn sem bæjarhátíð Mosfellsbæjar, Í túninu heima, er haldin og hefur hátíðinni vaxið ásmegin ár frá ári. Hátíðin stendur yfir í fjóra daga, hófst á fimmtudagskvöld og lýkur á sunnudagskvöld. Hápunktur hátíðarinnar er í kvöld þegar stórtónleikar verða haldnir á torginu í miðbæ Mosfellsbæjar þar sem fram koma fjöldinn allur af listamönnum, svo sem hljómsveitin Buff, Ingó, Raggi Bjarna, Sigga Beinteins, Simmi og Auddi og Gunni og Felix. Af því tilefni býður Mosfellsbær frítt í leið 15 í allan dag.

• 2 blogg um fréttina

Bloggað um fréttina

• Gúnna: Til hamingju með titilinn, Guðný Halldórsdóttir, bæjarlistamaður Mosfellsbæjar
• Jakob Falur Kristinsson: Mosfellingur