Chris Jackson

Mikið Facebook-æði ríður nú yfir landann. Einn af kostum þessa nýja samskiptakerfis er hversu létt og leikandi það er í vinnslu (ólíkt Myspace) og auk þess er það galopið.

Þannig er hægt að sjá skondin samskipti á milli bókaútgefandans JPV og rithöfundarins Guðmundar Andra Thorssonar, þar sem JPV skammar Guðmund fyrir að láta sig ekki vita að hann væri nýbúinn að gifta sig.

Guðmundur svarar því þá til að hann hafi nú bara verið að fylla út reitinn hvað hjúskaparstöðu varðar. Fleiri viðlíka dæmi er að finna, og ekki amalegt að geta fylgst með fræga fólkinu í „einkasamtölum“. Verst að fésbókin var ekki komin til sögunnar á tímum Laxness og Hemingway...