Hætt með kærastanum

Natalie Portman Reuters

Bandaríska leikkonan Natalie Portman er hætt með kærasta sínum, þjóðlagasöngvaranum Devendra Banhart. Sambandið entist fremur stutt, eða í hálft ár, en þau kynntust í mars þegar Portman lék í myndbandi við lag Banharts – „Carmensita“.

Portman flutti nýverið frá New York til Los Angeles til þess að geta varið meiri tíma með kærastanum, en allt kom fyrir ekki.

„Natalie og Devendra eru hætt saman. Þau ætla að vera vinir áfram, en þau þurfa allavega einhvern tíma hvort frá öðru,“ sagði heimildarmaður í samtali við tímaritið In Touch Weekly.

Portman og Banhart eru bæði 27 ára gömul. Portman hefur áður átt í ástarsamböndum við menn á borð við Jake Gyllenhaal, Zach Braff og Gael Garcia Bernal.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið